सर्वात कठीण काम सर्वात आधी करा......!

 

अतिशय महत्त्वाची आणि अवघड काम हाता वेगळी करा..... आज, आत्ता, ताबडतोब....! यासाठी गरज आहे नियोजनाची. नियोजन म्हणजे भविष्याला वर्तमानात आणणे जेणेकरून तुम्ही आजच त्याबद्दल काहीतरी ठोस कृती करू शकाल.हे मी "ब्रायन ट्रेसी" यांनी लिहिलेल्या "सर्वात कठीण काम सर्वात आधी करा" या पुस्तकाबद्दल बोलतोय.....!

आपल्याकडे कामांची लांबलचक यादी नेहमीच तयार असते आणि त्यातील सगळ्याच गोष्टी पार पाडण्यासाठी आवश्यक तो वेळ आपल्यापाशी कधीच उपलब्ध नसतो. अर्थातच पुढेही तो कधीच नसेल. यासाठी यशस्वी लोक अत्यंत महत्वाच्या कामावर लक्ष केंद्रित करतात व ती तत्परतेने पूर्ण करतात.

सध्याचा काळ हा सर्वोत्तम आहे.आपली ध्येय साध्य करण्यासाठी जेवढ्या संधी आणि शक्यता आज उपलब्ध आहेत, तेवढ्या याआधी कधीच नव्हत्या. मानवी इतिहासात बहुदा पहिल्यांदाच आपण पर्यायांच्या महासागरात डुंबच आहोत. किंबहुना एवढ्या चांगल्या गोष्टी आजूबाजूला आहेत की, जीवनात आपण नक्की काय आणि किती साध्य करणार हे सर्वस्वी आपल्या निवड क्षमतेवर अवलंबून आहे.

असं असूनही तुम्ही आताच्या सर्वसाधारण लोकांसारखेच असाल,"तर रात्र थोडी सोंग फार"  या चक्रात तुम्ही अडकलेले असणार हे नक्की !  समुद्रात जशी एक लाख फुटते न फुटते तोच दुसरी मागून येते, त्याप्रमाणे तुम्ही हातातील एक काम मार्गी लावतात तोवर दुसरा पुढ्यात  येऊन ठेपतं. यामुळे आपल्याला जे जे करायचं आहे, ते सगळं पार पाडणं तुम्हाला कधीच शक्य होत नाही. यासाठी काय बर कराव लागेल...! हेच या पुस्तकातून "ब्रायन ट्रेसी" आपल्याला समजून सांगतायेत.

असे पाहण्यात आले आहे की, जवळपास 80 टक्के किंवा अधिक वेळा लोकांची तीन ध्येय अगदी एकसारखी असतात. मुख्य म्हणजे ते अगदी योग्यही आहे. प्रत्येकाची हीच तीन मुख्य ध्येय असायला हवीत: पहिलं म्हणजे आर्थिक स्थैर्य आणि करियर; दुसरं म्हणजे कुटुंब आणि वैयक्तिक नातेसंबंध आणि तिसरं म्हणजे वैयक्तिक आरोग्य आणि तंदुरुस्ती. "सर्वात कठीण काम सर्वात आधी करा" हे पुस्तक म्हणजे "ब्रायन ट्रेसी" यांच्या "Eat That Frog" पुस्तकाचा अनुवाद आहे. या पुस्तकांमध्ये ब्रायन ट्रेसी यांनी कमीत कमी वेळेत अधिकाधिक काम करण्यासाठीचे 21 प्रभावी मार्ग सांगितलेले आहेत. त्यापैकी काहींचा उल्लेख येथे प्रामुख्याने करावा लागेल. यामध्ये "ब्रायन ट्रेसी" यांनी असं म्हटलेलं आहे की, सगळे शारीरिक आणि मानसिक स्त्रोत जेव्हा एकवटले जातात तेव्हा समस्या सोडवण्याची ताकद कित्येक पटीने वाढते, म्हणजेच एखाद्या कार्यात जितक्या प्रमाणात सामर्थ्य एकवटलं जातं त्यातच मनुष्याच्या यशाचं आणि महानतेच रहस्य दडलेलं असतं.

हातातील कामावर संपूर्ण लक्ष एकाग्र करा. एका बिंदूवर केंद्र झाल्याखेरीज सूर्याची किरण सुद्धा गवत जाळू शकत नाहीत. एका विशिष्ट ध्येयावर आपली सर्व ताकद एक वटून काम करणे इतकं शक्तिशाली आणि प्रभावी दुसरं काहीच असू शकत नाही. ब्रायन ट्रेसी म्हणतात दुर्दम्य साहस विजय आणि सर्जनशील कृती या सगळ्यातील खरी लज्जत म्हणजे त्यामध्ये मनुष्याला सर्वोच्च आनंद सापडतो.

आपल्या जवळील साधनांचा नेमका उपयोग कसा करायचा आणि, कोणत्याही क्षणी कोणत्याही वेळी ती साधने एकाच ठिकाणी कशी एकवटायची हे सततच्या सरावाने शिकावं लागतं. अशा प्रकारचे 21 मार्ग "ब्रायन ट्रेसी" यांनी "Eat That Frog" या पुस्तकाचे भाषांतर असलेल्या "सर्वात कठीण काम सर्वात आधी करा" या पुस्तकांमध्ये सांगितलेले आहे. "Eat That Frog" ही एक जुनी आणि प्रसिद्ध अशी पाश्चिमात्य म्हण आहे.

लेखक "ब्रायन ट्रेसी" यांनी आपल्यासमोर असणाऱ्या आव्हानात्मक कामांसाठी "Frog" म्हणजे "बेडूक" हे रूपक वापरलेलं आहे. आपल्याला कळायच्या आतच बेडूक जसा टुणकन उडी मारून निघून जातो; वेळही तितक्याच सहजतेने निसटत असते. "Eat That Frog" चा अर्थ आहे, वेळ हातातून निसटून जाण्याआधीच आव्हानात्मक, कठीण काम तडीस न्या. म्हणजेच "सर्वात कठीण काम सर्वात आधी करा." हे आकाराने लहान पण आशयाने  विस्तृत असलेले पुस्तक, आधुनिक युगातील दिरंगाई या शापासाठी मिळालेला उ:शाप आहे.

आजारावरील औषध कडू असतं ,असं आपल्याला कायमच वाटतं; पण ट्रेसीन दिलेला हा डोस अजिबात कडवट नाही. या संपूर्ण आणि नव्या सुधारित आवृत्तीमध्ये ट्रेसी यांनी दोन नवीन प्रकरणांचा समावेश केला आहे, त्यातील एका प्रकरणात अधिक महत्त्वाचं काय आहे, हे तंत्रज्ञानाच्या सहाय्याने कसं जाणून घ्यावं.आणि फुटकळ गोष्टीत  वाया जाणारा स्वतःचा वेळ कसा वाचवावा, हे स्पष्ट केल आहे. "ब्रायन ट्रेसी" हे "ब्रायन ट्रेसी इंटरनॅशनल" या संस्थेचे अध्यक्ष आणि मुख्य कार्यकारी अधिकारी आहेत. प्रेरणादायी विचार मांडणारे प्रसिद्ध वक्ते या भूमिकेतून ते दरवर्षी साधारण अडीच लाख लोकांसमोर भाषण देतात. आणि ऐंशीहून अधिक  बेस्टसेलिंग पुस्तकांचे ते लेखक आहेत, तर चला वाचूया "सर्वात कठीण काम सर्वात आधी करा" हा "Eat That Frog" या पुस्तकाचा मराठी अनुवाद.हा मराठी अनुवाद "सायली गोडसे" यांनी केलेला आहे. आणि "मंजुल पब्लिशिंग हाऊसनी" हे पुस्तक प्रसिद्ध केलेलं आहे. तर चला घेऊया हे पुस्तक लिंक वरती दिलेली आहे.